நலம் வாழ - க்ரீன் டீயின் நற்பலன்கள்

சினிமா பத்திரிகைகளில் எந்த நடிகையிடம் "உங்க அழகின் ரகசியம் என்ன?" என்று வழக்கமானக் கேள்வியைக் கேட்டாலும், பல ரகசியங்களுடன் சேர்த்து, "நான் தினமும் க்ரீன் டீ குடிக்கிறேன்" என்ற வழக்கமான பதிலும் நிச்சயம் வரும். அது என்ன உண்மையில் கிரீன் டீயில் அவ்வளவு நன்மைகள் உள்ளதா என்றால், ஆம் அது முற்றிலும் உண்மை. கிரீன் டீயில் பல நன்மைகள் இருந்தாலும் எடை குறைவதற்கும், சருமப் பொலிவிற்கும் உலகப் புகழ் வாய்ந்தது க்ரீன் டீ. ஆனால் அது மட்டுமே இல்லாமல் உச்சந்தலை முதல் உள்ளங்கால் வரை க்ரீன் டீ அளிக்கும் நன்மைகள் ஏராளம்.

க்ரீன் டீயின் நன்மைகள்:

1. ரத்தத்தில் உள்ள கெட்ட கொலஸ்ட்ராலை குறைக்கிறது.
2. உயர் ரத்த அழுத்தத்தை கட்டுப்படுத்துகிறது.
3. உடலில் உள்ள தேவைக்கு அதிகமான கலோரிகளை வேகமாக எரித்து தேவையற்ற கொழுப்பை குறைத்து உடல் எடையை சீராக வைக்க உதவுகிறது.
4. ரத்த குழாயில் அடைப்பு ஏற்படுவதை குறைக்கிறது.
5. இதய நோய் வராமல் தடுக்கிறது.
6. ரத்தத்தில் உள்ள சர்க்கரை அளவை கட்டுப்படுத்துகிறது.
7. உடலில் உள்ள திரவ அளவை சமன் செய்து சோம்பலை போக்குகிறது.
8. புற்றுநோய் வராமல் தடுக்கிறது.
9. புற்றுநோய் செல்களை வளரவிடாமல் தடுக்கிறது.
10. எலும்பில் உள்ள தாதுபொருட்களின் அடர்த்தியை அதிகரித்து எலும்பை பலப்படுத்துகிறது.
11. பற்களில் ஏற்படும் பல் சொத்தையை தடுக்கிறது.
12. வாய் துர்நாற்றத்தை நீக்குகிறது.
13. ஞாபக சக்தியை அதிகரிக்கிறது.
14. சருமத்தை பாதுகாத்து இளமையாக வைக்கிறது.
15. பருக்கள் வராமல் தடுக்கிறது.
15. நரம்பு சம்பந்தமான நோய்களை தடுக்கிறது.
16. மூட்டு வலியை தடுக்க உதவுகிறது.
17. உடலில் ஏற்படும் புண்கள் காயங்கள் விரைந்து குணமாக உதவுகிறது.

இப்படி எண்ணற்ற நன்மைகள் நாம் பெற வேண்டுமானால் க்ரீன் டீயைத் தொடர்ந்து குடிக்க வேண்டும். அதே சமயத்தில் ஒரு நாளுக்கு ஓரிரு கப் க்ரீன் டீயே போதுமானது. நற்பலன்கள் ஏராளமாக உள்ளதால் அளவிற்கதிகமாக பருகும்போது பக்கவிளைவுகள் ஏற்படுத்தும் என நிபுணர்கள் எச்சரிக்கின்றனர். அளவிற்கு மிஞ்சினால் அமுதமும் நஞ்சாயிற்றே!  தினமும் அளவோடு க்ரீன் டீ பருகி வளமோடு வாழ்வோம்.